Eroski NATUR hegaluze-takoak

Luzokerra zuritu eta moztu egingo dugu. Oihal batean gainean jarri eta zukutu egingo dugu zuku guztia atera arte. Baratxuria arraspatuko dugu. Katilu batean jogurta, baratxuria, olioa, ozpina, gatza eta piperbeltza jarriko ditugu. Nahastu egingo dugu guztia bateratu arte. Luzoker eta mendafin arraspatua gehitu eta nahastu egingo dugu. Tipula eta tomatea dadotan moztuko ditugu. Tako-tortillak labean sartuko ditugu 175 ºC-tara 5 minutuz. Hegaluzeari piperbeltza eta gatza bota eta oliba-olioz igurtzitako plantxa batean egingo dugu urre-kolorea hartu arte. Kanpoko azala kendu eta xerratan moztuko dugu. Tortillen gainean entsalada-kimuak, tipula, tomatea eta hegaluzea jarriko ditugu. Takoak saltsarekin zipriztindu, limoi apur bat gehitu eta zerbitzatu egingo dugu.