Marmelada de laranxa e mandarina

Con esta receita poderemos aproveitar a froita que teñamos na casa a piques de pasarse, como por exemplo unhas laranxas ou unhas mandarinas. Nunha cazola poñemos a cocer as tonas e os carozos das mazás, dous decilitros de auga e o zume de limón, durante 10 minutos. Deixamos arrefriar na propia auga e conseguimos así unha auga con pectina que nos vai axudar a a solidificar a marmelada. Estonamos as laranxas e as mandarinas, separamos os cuarteiróns e colocámolos na cazola coa auga, coada, na que cocemos a mazá. Durante unha hora cociñamos a lume medio e unha vez pasado este tempo agregamos o azucre e cocemos durante outros 10 minutos, remexendo para que o azucre non se queime. Despois trituramos pasando a marmelada polo pasador de puré (se queremos que quede máis fina) e esperamos que arrefríe e espese antes de ser utilizada.