Hamarkada bat baino gehiago da EROSKIK berdintasunaren behatoki bat duela, printzipio hori erakunde guztian presente egon dadin lan egiten duena. Izan ere, pertsonen indarrean sinesten dugu, baita haien lanak eraldatzeko duen ahalmenean eta haien garapen pertsonal eta profesionalean ere.
Berdintasunaren aldeko zuzeneko 58 jarduera egin dira 2015ean eta protokolo bat ezarri da lantokiko jazarpen-kasu posibleak saihesteko. Aholkularitza-zerbitzu konfidentzial bat ere eskaintzen da, edozein gertakariren berri eman ahal izateko.
Kooperatiba garen aldetik, genero-berdintasuna argi eta garbi islatuta dago gure sortze-estatutuetan. EROSKIko langileen % 80 emakumeak dira, eta berdintasunaren printzipioa aplikatzen da enpresa-politika, prozesu eta antolaketa-maila guztietan aukera-berdintasuna bermatzeko (modu garbian, isilean eta agerikoan), hala harreman profesionaletan nola pertsonaletan.
Erantzukizun-postuetan emakume gehien dituen Espainiako banaketa-enpresa gara: % 67 dira emakumeak.
Aholkularitza-zerbitzu konfidentzial bat dugu laneko jazarpen-kasu posibleak sahiesteko eta edozein gertakari bideratzeko.Â
EROSKI markaren funtsezko ezaugarrietako bat osasunarekiko konpromisoa da, baita langileen osasunaren kasuan ere.
Langileen osasuna eta segurtasuna zaintzeko, EROSKIK laneko arriskuak prebenitzeko zerbitzu bat dauka, prebentzio-zerbitzu mankomunatuaren lege-modalitatearen arabera eratutakoa. Espezialitate hauek barne hartzen ditu: laneko segurtasuna, higiene industriala eta ergonomia eta psikosoziologia aplikatua.
2015ean 95.000 ordu baino gehiago bideratu dira laneko arriskuei eta larrialdiei buruzko prestakunt-za-ikastaroetara. Gainera, bidaien eta hipermerkatuen negozioetako prebentzio-planak ikuskatu dira, eta horren ondorioz hobekuntza gehiago txertatu zaizkie prebentzioaren aldetik. Gainera, barne-auditoretzak eta programatutako ikuskaritzak egin dira EROSKI taldea osatzen duten negozio guztietan, prebentzio-politiken eraginkortasuna bermatzeko.
EROSKI, gainera, indarreko araudiaz haratago doa, eta osasun-zerbitzuak jartzen ditu langileen eskura, populazioan oso zabalduak dauden gaixotasunak detektatzeko helburuarekin.
EROSKIn konprometituta gaude gizarte-egoera txarrean eta bazterkeria-arriskuan dauden pertsonak gizarteratzearekin ere. Gurutze Gorria eta antzerako erakundeekin sinatutako okupazio-prestakuntza-ko hitzarmenen bidez prestakuntza programak eta lan-arlokoak ez diren praktikak ezarri ditugu, gazteen eta kualifikaziorik gabeko langileen enplegagarritasuna hobetzeko asmoz. Programa horiek etorkinei eta genero-indarkeriaren biktimei ere baliagarriak izan zaizkie.
Azken bi urteetan 1.000tik gora lagunek hartu dute parte EROSKIren programa horretan, eta horien % 35 kontratatu ditugu gerora.
Konprometituta gaude gizarte-egoera txarrean eta bazterkeria-arriskuan dauden pertsonak gizarteatzearekin ere.Â
EROSKIK Caixaren gizarte-ekintzak ematen duen Incorpora Saria jaso du 2015ean, gizartetik baztertzeko arriskuan dauden pertsonen laneko integrazioari ematen dion babesagatik.
EROSKIK Caixaren gizarte-ekintzak ematen duen Incorpora Saria jaso du 2015ean, gizartetik baztertzeko arriskuan dauden pertsonen laneko integrazioari ematen dion babesagatik.
EROSKIK eta GUREAK taldeak desgaitasuna duten pertsonek osoki kudeatutako lehen supermerkatua ireki dute 2015ean. Gizarte-berrikuntzako ekimen aitzindari horrek beste bide bat irekitzen du enplegu soziala sortzeko eta desgaitasuna duten pertsonei lana lortzeko aukerak emateko. Gainera, pertsonen gaitasun eta ahalmenen dibertsitatea ikusarazten du gizartean.
Proiektu hau abian jartzeko, beharrezkoa izan da jardueren, denboren eta egitekoen konplexutasunaren azterketa espezifiko bat egitea, supermerkatu bat kudeatzeko beharrezkoak diren lan-prozesuak eta funtzioak desgaitasuna duten pertsonen profil eta gai-tasunei egokitzeko, horiek baitira lantalde profesionala osatzen duten kideak.
Lanpostuak egokitzeko analisieta definizio-lan horiek GUREAK eta EROSKI taldeek elkarrekin egin dituzte eta profesional guztiek supermerkatua ireki aurretik EROSKIren zenbait dendatan egin zuten prestakunt-za-programa espezifikoaren abiapuntua izan da.
Laster eroskiren web berria euskaraz eskuragarri izango duzu, horrela eduki guztietaz zure hizkuntzan gozatu ahal izango duzu
Barkatu eragozpenak