Plan familias 0·12

(sin título)

Kukurruku-eztularen txertoa hartu behar dut?

Kukurruko-eztula arnas-infekzio bat da, edozein adinetan eragin dezakeena, baina bularra hartzen duten ume txikietan erikortasun eta hilkortasun handia du, batez ere 3 hilabetetik beherakoetan. Txerto horren lehen dosia, txertoen egutegien arabera, jaio e...ta 2 hilabetera ematen da, beraz, immunitate eraginkorra ez da hasten lehen dosi horren ondorengo bi aste inguru igaro arte. Beraz, Espainian, txertaketez eta haurdun dauden emakumeei arreta emateaz arduratzen diren elkarte zientifikoek gomendatzen dute haurdun daudenak txertatzea 27. eta 36. asteen artean (ahal dela, 28 eta 32 artean), jaioberrian immunitatea sortzeko.

(sin título)

Haurtxoaren ipurdia garbitzeko ba al dago eskuoihal higienikoak baino aukera osasungarriagorik ?

Marka komertzialetako eskuoihal higieniko askok, ez ekologikoek, zure jaioberria zaintzeko aproposenak ez diren produktuak eramaten dituzte. Likido bat prestatu daiteke distilatutako ura, aloe vera ekologikoa, olio ekologiko bat (almendra gozoak) eta urar...ekin kendu beharrik ez duen bainu-krema batekin, eta, prestakin horrekin zure haurtxoaren genitalak hezetu ditzakezu pixoihala aldatzean eta harizko gasa batekin lehortu; ondoren, gasa hori garbigailuan sartu daiteke; horri esker, haurtxoaren ipurdia garbituta, hidratatuta eta lehortuta geratuko da, produktu oldarkorragoen beharrik gabe eta merke.

(sin título)

Zein da fetuaren egoera enbrioi aurreko aldiaren amaieran?

Haurdunaldiaren hirugarren astean enbrioiak digestio sistemaren, nerbio sistema zentralaren eta hezurduraren hainbat egitura ditu. Hirugarren aste honen amaieran enbrioiak plazentarekin bat eginda egoten da, zilbor-hestea izango denaren bidez.

(sin título)

Zer da TENS eta zertarako balio du?

TENS oinazea kontrolatzen laguntzen duen estimulazio nerbioso leuna eta segurua igortzen duen tresna bat da. Seinale elektriko horiek minarenak baino azkarrago bidaiatzen dute, eta, garunera lehenago iristen direnez, seinale mingarrien iristea blokeatzen ...dute neurri batean. Horrez gain, funtzio analgesikoa ere erabiltzen dute eta garunak endorfina gehiago jariatzen du, analgesiko natural indartsuak. Azalaren gainean jartzen diren elektrodoak dira, eta bateriekin funtzionatzen duen generadore eramangarri txiki bati lotuta daude. Pultsadore bat du estimulazioaren intentsitatea eta horien aplikazioa estra kontrolatu ahal izateko.

(sin título)

Zertarako balio du tapoi mukosoak eta zer egin behar dut kanporatuz gero?

Haurdunaldian umetokiko lepoa, baginan amaitzen den umetokiaren zatia (inbutu baten hodia bezalakoa) itxita egoten da eta tapoi mukosoaren bidez obturatzen da. Tapoi honen funtzioa, lehen hiruhilekotik, umetokiaren barrualderaino doan bidea babestea da, h...orrela balizko infekzioetatik babesteko. Tapoi mukosoa, umetoki-lepoaren jariaketa bat da, trinko eta gelatinakara. Haurdunaldiaren azken asteetan, tapoi mukoso hori kanporatzea gerta daiteke, umetokiko lepoa dilatatzen hasten baita erditzea hurbil delako. Jario hori galtzen ari zarela sumatu dezakezu (mukitsua, likatsua eta lodia) aldi bakarrean edo baginako jario handiagoa izanaz hainbat egunez. Bere itxura mukositate lodiarena da, baginako fluxua baino trinkoagoa eta kolore garden eta horixkakoa, lepoaren dilatazioaren ondorioz odoljario txikiren bat badago, gorriz edo marroiz tindatu daitekeena. Ez da beharrezkoa kontsultatzea edo ospitalera joatea, baldin eta tapoi mukosaren galera 37 astetik aurrera gertatzen bada, eta ez badago kontrakzio erritmikorik edo urak bota ez badira.

(sin título)

Zer da "orpoaren proba"?

Sortzetiko zenbait eritasunek ez dute kanpoko zeinurik jaiotze-unean, eta, hala ere, tratamendu goiztiarrik ematen ez bada, gerta daiteke burmuineko lesioak eta, zoritxarrez, adimen-garapen eskaseko minusbalia psikikoak eragitea. Gaixotasun horiek garaiz ...antzemateko, oso ezohikoak diren arren, haurtxo guztiei proba oso erraza egin behar zaie: Jaioberriaren orpoko odol tanta batzuk hartu eta sortzetiko zenbait akats jakin daitezke, eta tratamendu goiztiarraren bidez, zenbait atzerapen mental eta hazkundeko atzerapen prebenitzen dira, haurrak bizitza erabat normala eramatea ahalbidetuz.

(sin título)

Zer ikusten du emaginak baginako ukimenarekin?

Haurdun dagoen emakumean baginako ukimena prozedura diagnostikoa da, eta maiz egiten da erditzeak hasieran duen bilakaera egiaztatzeko eta horren aurrerapena baloratzeko. Haurdunaldiaren jarraipenean ere egin daiteke. Baginako esplorazioan normalean emaku...mea ahoz gora etzanda egoten da, hankak tolestuta eta bereizita (posizio ginekologikoan) izaten ditu eta ipurdi-masailak gainazalean ondo jarrita; aldez aurretik emakumearen baimena eskatuko da esplorazioa egiteko eta laguntza eskatuko zaio. Behar izanez gero, erlaxatzen irakatsiko zaio, baginako ukimenak molestia sortzen du gehiago edo gutxiago, haurdun dagoena tenkatu egiten delako eta ipurdi-masailak eta aluaren inguruko pelbis-zoruko giharrak uzkurtu uzkurtu egiten dituelako. Garrantzitsua da perineko giharrak lasai uztea. Normalean, baginako ukimenek ez dute horrenbesteko molestiarik sortzen erditzea aurrera doan heinean, umetokiko lepoa kanpoaldera hurbilduz joaten baita eta hobeto sartzen da. Esplorazio-proba honetan, emakumeak artatzen duen profesionalak, oro har emaginak, emakumearen baginan sartzen ditu hatz erakuslea eta bihotza, ukimenaren bidez umetokiko lepoaren posizioari, konsistentziari, luzerari eta dilatazioari buruzko informazioa lortzeko, baita fetuaren buruaren posizioaren berri izateko ere, jaioberria zefalikan dagoenean, baina beste era batean dagoen jakiteko ere balioko luke. Profesionalari ematen dion informazioa subjektiboa da, hau da, teknika horren zehaztasuna mugatua geratzen da, beti profesional berak gauzatzen ez badu.

(sin título)

Haurdunaldian iodo-osagarriak hartzea beharrezkoa al da?

Azken urteetan haurdunaldian eta edoskitzaroan iodo-osagarriak hartzea orokortu bada ere, ez dago neurri horren onura frogatzen duen azterlan argigarririk. Haurdunaldian iodoa duen osagarri farmakologikoa beharko litzateke soilik iodo urritasun larria dag...oen eremuetan, haien jateko ohituren ondorioz behar adina iodo hartzen ez duten emakumeetan edo etapa hauetan disfuntzio tiroidea garatzeko arriskua duten horietan.

(sin título)

Zer da pelbis-zorua eta zergatik hondatzen da?

Pelbis-zorua gihar, nerbio eta lotailu multzo konplexu bat da, eta pelbiseko organo batzuei eusten diete, hala nola maskuriari, umetokiari, baginari eta ondesteari. Pelbisaren behealdean dago, eta bere zatirik sakonenak kupula bikoitzeko forma du. Kupula ...horien gainean daude lehen aipatzen genituen organoek. Gure jarrera zutituaren ondorioz, kupula horiek etengabe grabitatearen aurka bizi dira, eta hondatu egin daitezke, lautzera iritsiz edo inbertitu ere bai. Pelbis-zorua kaltetu dezaketen jarduerak, haurdunaldiaz eta erditzeaz gain, honakoak dira: gehiegizko pisua, idorreria, arnasketa arazo kronikoak, inpaktuzko kirola eta menopausian egoten den hormonen murrizketa, besteak beste.

(sin título)

Zer da esnearen igoera eta nola arindu ditzaket bere sintomak zailtasunak edo mina badut?

Esnearen igoera ez du eragiten bularretan atxikitako esneak, baizik eta bularretako baskularizazioan hazkunde nabarmena egoten delako izaten da, hau da edema baskularra egoten delako, eta horrek eragiten du hiru egun inguruz edo bularra bero edukitzea, ne...urri handiagokoak izatea eta apur bat gogortuta izatea. Hori gertatzen da zure haurraren bigarren edo hirugarren egunaren inguruan. Hantura hori izateaz gain esnea sortzen bada, eta, arrazoiren bat dela medio, ez bada eraginkortasunez drainatzen, hantura patologiko edo pletora bat gertatzen da: harri bularrak. Mina garrantzitsua da, eta areola hain dago tenkatuta, haurrak ezin izaten diola ondo heldu. Erditze osteko edoskitze goiztiarra hasiz gero eta edoskitzearen oinarrizko hiru puntuak bete, hantura patologiko gehienei aurrea hartu dakieke:
- Edoskitze sarria eta mugarik gabea.
- Interferentziarik ez, hala nola txupeteak edo biberoiak.
- Posizio egokia.
Puntu horiek betetzeak ere ziurtatzen digu, igoera iristen den bitartean, gure haurtxoak nahikoa duela sortzen dugun oritzarekin. Hona hemen lagungarri izan zaitezkeen beste neurri batzuk: Ez jarri berorik bularra hartu aurretik (edema baskularra handitu eta egoera okertuko litzateke); drainatze linfatikoaren teknika erabili; aza hostoak erabili, eta, kasu batzuetan, esnea atera daiteke. Normala izan daiteke sukar pixka bat izatea, 38ºC baino gutxiago, eta normala da, halaber, igoerak irauten duen bitartean, bular bigunak sentitzea, baina minutu gutxira berriro gogor egotea. Mina eta sukar apur bat baduzu, zure medikuarekin kontsultatu dezakezu, hanturaren aurkako bat emateko. Denak dira bateragarriak amagandiko edoskitzearekin. Edonola ere, prozesuak hiru egun inguru irauten du, eta gero dena normaltasunera itzultzen da, berriz ere bular bigunak izango dituzu, eta zure haurtxoari bularra eman gabe ohi baino ordu gehiago pasatzen badituzu baino ez dira gogortuko.