Kalera irteten hasi garen arren, baliteke eguzki-energia eta D bitamina askoz ere gutxiago sintetizatzea, gure egunerokoan normalean hartu ohi ditugun kopuruekin alderatuta. Gure organismoak eta immunitate-sistemak ondo funtzionatzeko ezinbestekoa da D bitamina hartzea.
D bitamina lortzeko modurik onena eguzkitik zuzenean hartzea da. Etxean terraza edo balkoi bat baduzu, egunero 15 bat minutuz eguzkia har dezakezu; izan ere, D bitaminaren parte handiena eguzkiarekiko esposizio zuzenarekin sintetizatzen dugu.
Horrez gain, hainbat elikagai sar ditzakegu dietan,gure organismoan dugun D bitamina-maila indartzen laguntzeko. Itxialdiak iraun bitartean, gehitu elikagai hauek zure menuari. Jaki-tokian izango dituzu ziur aski!
– Arrain urdinak: atuna, hegaluzea, izokina, txitxarro arrunta, urraburua, antxoak, sardinak, bokartak, otarrainxkak…proteina, omega 3 eta D bitamina iturria dira. Freskoak, izoztuak edo kontserban. Abantailak baino ez dituzte!
– Esnekiak: gaztak, esnea edo jogurtak, batez ere osoak edo aberastuak.
– Arrautzak osorik jan behar dira; izan ere, D bitamina arrautzaren gorringoan dago.
– Badira D bitaminan aberatsak diren beste elikagai batzuk, noizbehinka kontsumitzen ditugunak; hala nola, perretxikoak, barrengorriak eta landare-edariak.
