Guztiok jakin nahi dugu, modu argi eta errazean, erosten ditugun produktuen nutrizio-informazioa. Gauzak errazteko, konpromisoa hartzen dugu Nutri-Score etiketa gehitzeko EROSKI produktu guztietan, eta, gaur, albiste on bat eman ahal dizugu: dagoeneko badaukate! Nutri-Score etiketari esker, inoiz baino errazagoa da ondo jatea!
¿Qué es Nutri-Score y cómo funciona?
Nutri-Score etiketatu-sistema bat da: elikagaia nutrizio-kalitatearen arabera sailkatzen du eta adierazten du mota bereko zein produktu den onena ikuspegi horretatik. Horretarako, letren eta koloreen eskala bat erabiltzen du: A berde ilunetik (balorazio onena) E laranja ilunera (balorazio txarrena).
Emaitza 100 gramoko kalkulatzen da, eta kontuan hartzen ditu elikagaiak osasunarentzat dituen mantenugai onuragarriak (zuntza, proteina, fruta kopurua, barazkiak, fruitu lehorrak eta lekaleak eta oliba-olioa –koltza eta intxaurra–), eta murriztea gomendaturikoak (gantz saturatuak, gatza, kaloriak eta azukreak). Zenbat eta pisu handiagoa izan onuragarriek kaltegarriek baino, orduan eta hurbilago egongo da dena delako produktua A letratik eta kolore berdetik.
Kontsultatu hemen Nutri-Scoreren arabera positiboak diren osagaiak
¿Cómo utilizar Nutri-Score?
Nutri-Scoreren helburu nagusia da kontsumitzaileari elikagaien nutrizio-kalitate globalaren berri ematea, produktuak alderatzeko eta erosketa-erabaki hobeak sustatzeko.
Dendara zoazenean, Nutri-Score etiketari esker jakin ahal izango duzu mota bereko zein produktu den hobea nutrizioaren ikuspuntutik. Adibidez, begiratu batean lagunduko dizu gosaritarako zerealen artean nutrizio-profil hobea duena aukeratzen.
Desberdinak izan arren, kontsumo-premia berari erantzuten dioten produktuen artean aukeratzeko ere balio digu. Adibidez, bazkaritarako edo afaritarako soluzio azkar baten bila gabiltzanean, pizza baten edo plater prestatu baten artean aukeratzeko orduan. Nutri-Scorek lagunduko digu jakiten zer aukera den osasungarriagoa.
Nahi duzu lehen eskuko informazioa gure produktuen nutrizio-kalitatea ezagutzeko metodo berriari buruz? Osasun eta Jasangarritasun Saileko Eva Gosenje Ábalos gure nutrizionistak elkarrizketa bat eman zigun, eta, Nutri-Scoreren gainean sakontzeaz gainera, EROSKIn izan duen inplementazio-prozesua ere azaldu zigun. Elkarrizketa ikusteko, sakatu hemen.
