txahal-entrekota Proventzako erara egindako tomatearekin

Tomateak erditik zentzu perpendikularrean moztuko ditugu. Estutu egingo ditugu, haziak kentzeko. Ondoren, pixka bat gazitu eta alderantziz utziko ditugu, xuka daitezen. Olioa zartagin batean berotu eta tomateak botako ditugu, moztu dugun aldea buruz behera jarrita. Kozinatzen hasten direnean, eta, ertzetatik azala altxatzen zaienean, buelta emango diegu. Frijitzen diren bitartean, baratxuriak zuritu eta brunoisse eran -oso txiki txikituta- txikituko ditugu. Txikitu eta gero, ogi arraspatuarekin nahasiko ditugu. Tomateak karamelutzen hasten direnean, zartaginetik atera eta labe-erretilu batean ipiniko ditugu. Tomateen zartagin berean ogi arraspatua, perrexil txikitua, ezkai lehorra eta baratxuria gehituko ditugu, eta nahasketa gorrituko dugu. Ondoren, txigortutakoan, tomateen gainetik hautseztatuko dugu. Labea 180 ºC-tan berotuko dugu hamar minutuz, eta gero tomateak sartuko ditugu. Kontuz ibili beharra dugu, lehor ez daitezen. Entrekotak plantxan edo zartagin itsasgaitz batean erreko ditugu oliba-olio apur batekin, buelta eta buelta. Eginda daudenean, gatza gehituko diegu. Entrekotak Proventzako erara egindako tomateekin zerbitzatuko ditugu.