Eroski

Gaztaina- eta txokolate-budin hotza

Name: Gaztaina- eta txokolate-budin hotza
Total time: 45 min
Yield: 4

Postre
2964 visitas

Zailtasuna: Zailtasun baja
Denbora: De 30 minutos a 1 hora
Prezio bajo: Prezio bajo

Nutrizio-sailkapena

Descargar

kcal: 490 24%

Azukreak: 25,55g 28%

Koipeak: 27,22g 39%

Koipeak saturatuak: 14,42g 72%

Gatza: 0,29g 5%

/5 izar. 0 baloraziotan oinarrituta

Prestaketa

Gaztainak ondo garbitu, lehortu eta aizto baten puntarekin ebaki txiki bat egin, egostean lehor ez daitezen. Sartu urez betetako katilu handi batean, eta ziurtatu estalita geratzen direla. Gero, sartu mikrouhin-labean, eta egosi potentzia handienean 15 minutuz. Atera gaztainak, utz itzazu hozten pare bat minutuz eta, kontu handiz, kendu gaztaina estaltzen duten bi larruak. Birrindu gaztainak esnearekin batera, pure lodi bat lortu arte, baina ahalik eta finena. Katilu batean, urtu txokolatea eta gurina Maria bainutan. Hagaxka batzuekin, erdiharrotu txokolatearen eta gurinaren nahasketa Gehitu gaztaina-krema eta nahastu ondo mugimendu inguratzaileekin. Koipeztatu banakako molde batzuen (ahal bada, silikonazkoak) barrualdea. Banatu krema moldeen barruan, estali film-paperarekin eta gorde hozkailuan 3-4 orduz. Zerbitzatzean, atera kontuz moldetik eta zerbitzatu fruitu gorriz lagunduta.

Nutrizio-aholkua
Gure aholkua

Gaztainak beste modu batean aurkezteko errezeta bat. Laguntzeko, edozein fruta edo fruitu lehor gehi dakioke. Nutrizio-alderdiak. Koipe gehienak kakaotik eta gurinetik datoz, beraz, gantz aseen eta energiaren kopurua handitzen da. Horregatik, ez da komeni maiz kontsumitzea. Bestalde, azpimarratu behar da errezetak ez daukala azukre erantsirik txokolateak dituenak baino; horregatik, hobe da kakao-ehuneko handiagoa daukaten txokolateak erabiltzea. Zuntz-ekarpenaren ikuspuntutik interesgarria da, 9 g ematen baititu anoa bakoitzeko. Bazenekien…? Gaztainek nutrizio-osaera desberdina dute beste fruitu lehorren (bihotzarentzako ona den koipea eta proteina ugari izategatik nabarmentzen direnen) aldean, karbohidratoak izanik beren mantenugai ugariena.