Haragi-bolak currytan

Arrautza kaiku batean irabiatu eta gorde.   Almaiz batean, xehatu baratxuria eta perrexila. Esnetan bustitako ogia gehitu, eta xehatzen jarraitu. Azkenik, gehitu arrautza irabiatua. Nahasi.   Kaiku zabal batean, haragi txikitua eta arrautzaren, gatzaren eta piperbeltzaren nahasketa bota. Ondoren, irabiatu guztia integratuta egon arte. Eman forma haragi-bolei, eta irineztatu.  Gorde.   Oliba-olioa zartagin batean ipini su ertainean, eta bero dagoenean haragi-bolak frijitzen gorritu arte.  Zartaginetik atera eta plater batean gorde.   Prestatu saltsa. Horretarako, tipula eta baratxuria kuboetan txikitu. Gorde.   Zartagin batean oliba-olioa bota eta tipula eta baratxuria sueztitu apur bat gorritu arte.   Oilasko-salda, currya, gatza eta piperbeltza gehitu, eta eduki su ertainean 15 minutuz.   Saltsa irabiagailuarekin birrindu eta, ondoren, irauli berriro zartaginera. Gero, koko-esnea bota, puntuan jarri eta nahasi ondo.  Egosi beste 5 minutuz.   Haragi-bolak saltsara bota, eta egin 5 minutuz.   Martorri fresko hautseztatu apur batekin zerbitzatu.