Idiazabalgo etxeko izozkia eta mangoa gaileta-txirbilekin eta fruitu lehor xigortuekin

Marian berotuko dugu ardi-esnea Idiazabal gaztarekin eta azukre pixka batekin. Berotu ondoren, txikituko dugu, iragazi, eta hozten utziko dugu Idiazabalekin usaingozatutako esnea. Beste ontzi batean, irabiatuko dugu jogurta eta izoztuko dugu, aparte zurituko eta zatituko dugu mangoa, hau ere izoztua. Irabiagailuko ontzi nahasgailuan sartuko dugu Idiazabalekin usaingozatutako esne hotza eta arrautza-gorringoa eta irabiatu egingo dugu krema bat eratu arte. Ondoren sartuko ditugu mango izoztua, jogurt izoztua eta zuringoa, nahastuz eta txikituz, Idiazabal gazta eta mango krema ia izoztua eratu arte. Bere horretan zerbitza dezakegu izozkia edo izozkailuan sartu, horrela pixka bat gehiago gogor dadin. Gainetik gaileta-txirbil batzuk eta fruitu lehorrak, xigortuak eta zatituak, jarrita zerbitzatuko ditugu