Itsas-zapoa baratxuri eta udarezko muselinarekin alberjinia oinarri baten gainean

Garbitu alberjiniak, eta moztu 1 cm baino pixka bat gehiagoko xerratan. Jarri xerrak laberako erretilu batean, gatzpipertu eta gozatu oliba-olio birjina estra apur batez. Eman buelta eta egin gauza bera. Sartu labean eta eduki 180 gradutan 30-35 minutuz, gorritu arte. Erretilu berean, jarri baratxuri-burua, eta erre labean 40 minutuz. Gorde alberjinia. Zuritu baratxuria eta utzi hozten. Bien bitartean, zuritu udarea eta zatitu kubotan. Gorritu zartaginean gurin pixka batekin, eta gorrituta dagoenean, apartatu eta gorde. Markatu zapo-xerrak oliba-olio estra birjinarekin pare bat minutuz alde bakoitzetik eta gorde. Nahastu bol batean maionesa, baratxuria, eztia eta udarea. Irabiatu purea egin arte. Igurtzi zapo-xerrak purearekin eta gainerre labean, gorritu arte. Zerbitzatu alberjinia errearen oinarri baten gainean eta ezkai- edo perrexil-adarrez apainduta.