Mairu-pintxoak barazkiekin

1.-Katilu edo ontzi batean arkumea marinatu. Lehenbizi, osagai lehorrak nahastu: kurkuma, piperrauts gozoa, kuminoa, kanela, gatza eta piperbeltz beltza. Gero, likidoak bota: limoi erdiaren zukua eta oliba-olio birjina estra. Osagai guztiak nahastu. 2.-Aparte, almaiz batean lehenbizi baratxuri txikituak xehatu gatz pixka batekin eta zurrusta bat oliba-olio birjina estra botatzen joan pixkanaka (aliolia egingo bagenu bezala). Gero, bota perrexila eta martorria txiki-txiki eginda, eta olio gehiago bota. Xehatzen jarraitu. Gero, gehitu tipula bruinose eran moztuta eta olio gehiago bota, eta xehatu, pasta lodi bat lortu arte. 3.-Bota arkumea kubotan moztuta eta espeziatan ontzutua, nahastu eta almaizeko nahastea gehitu. Haragia ondo busti osagai guztiekin. Hozkailuan 5 orduz gutxienez marinatzen utzi, estalita. 4.-Barazkiak sueztitu: tipula, piper gorria, berdea eta horia juliana eran moztuta, oliba-olio birjina estra eta gatz pixka batekin. 5.-Broxetak kordatu, 20 cm-ko broxeta bakoitzean 4 edo 5 arkume-zati jarrita. Zartaginean bi aldetatik markatu kozinatzen diren arte (ez da oliorik behar marinatuta dagoelako). Broxeta guztiak eginda daudenean bota zukua gainetik. Zurrutada bat limoi bota daiteke nahi izanez gero. 6.-Ogia moztu eta barazkiak uztai batekin prestatu platerean, inguruan broxetak jarrita. Entsalada gozo batekin aurkez daitezke.