EROSKIn, langileak gara denden jabeak. Horregatik, harro gaude zuri arreta emateaz, eta zu pozik bazaude, gu ere bai.
Langile-bazkidez eta kontsumitzaile-bazkidez osatutako kontsumo-kooperatiba bat garelako. Kontsumitzaile-bazkideei esker, enpresa-estrategiaren eta kontsumitzaileen kezken arteko lotura bermatzen dugu.
Laneko bazkideok enpresaren kapitalean esku hartzen dugu, jabe gara, eta enpresaren erabaki-organoen kide ere bagara.
Kooperatibaren eta beste enpresa moten arteko desberdintasun handienetako bat da formula horrek langileei parte hartzen ahalbidetzen diela. EROSKIn partaidetza hori enpresaren ardatz nagusietan hezurmamitzen da: kudeaketa, erabakiak eta emaitzak.
Jarduten dugun erkidegoaren ongizateari laguntzen diogu, eta aberastasunaren banaketa solidarioaren bidez, haren garapen sozialean, kulturalean eta ekonomikoan eragiten dugu.
Gure ustez, gure jarduera-eremuetan etengabeko berrikuntza izatea ezinbestekoa da, enpresak aurrera egin dezan eta gizarteak eta kontsumitzaileek gure jardueraren gainean dituzten itxaropenetara egoki gaitezen.
Konpromisoa
Gure egunerokoan, kontsumitzaileen osasuna eta segurtasuna defendatzen ditugu, produktu seguruak eta osasungarriak eskainita eta informazio gardena, baliagarria eta osoa emanda. Aldi berean, gure jardueraren ingurumen-inpaktuak murrizten ditugu.
