Opila saltxitxa eta piperrarekin

Jarri irina, ura, legamia, oliba-olio zorrotada bat eta gatz apur bat kaiku batean eta landu orea eskuekin edo koilara batekin. Kaikutik askatzen denean, jarri orea ohol baten gainean eta eskuekin landu, mugimendu zirkularrak eginez, itsasten ez den ore malgua lortu arte. Eraman orea berriz lehen erabilitako kaikura eta sartu hozkailuan 10 minutuz.  Bitartean, prestatu betegarria. Sartu piperrak eta alberjiniak labean 10 minutuz, 180 gradutan. Denbora hori igarotakoan, zuritu eta moztu barazkiak tiratan, haziak kenduta.  Banatu orea 4 zatitan eta egin 4 bola. Hartu bola bat eta zabaldu eskuekin, forma luzanga hartu arte (erabiliko duzun saltxitxa baino 1 cm luzeagoa eta 2 cm zabalagoa).  Ipini orea labeko paper batean eta gainean, jarri prestatutako eskalivada eta saltxitxa bat. Laberatu 10-12 minutuz, 180 gradutan. Atera labetik. Bota oliba-olio zorrotada bat gainetik eta zerbitzatu.