Sekretu iberikoa txokolate-saltsarekin

"Mole"a aldez aurretik prestatu behar da. Horretarako, 200 gradutan berotutako labean, erre tomatea, tipula eta baratxuri-aleak 40 minutuz. Geroko gorde.  Zartagin batean, txigortu almendrak oliba olio birjina estrarekin eta birrindu barazki-saltsa apur batekin (50 ml), ore homogeneo bat lortu arte. Geroko gorde  Txigortu espeziak zartagin batean eta birrindu hauts bihurtu arte. Geroko gorde.  Irabiagailuaren edalontzian, birrindu tomatea, tipula eta baratxuri-aleak 500 ml saldarekin.  Jarri nahasketa ontzi batean eta berotu. Berotzen denean, erantsi almendra-orea, birrindutako espeziak, kaiena-hautsa, kafea eta txokolate-ontzak. Eragin disolbatu arte eta utzi su ertainean 5-10 minutuz. Bitartean, eragin behin eta berriro, zaporeak integratu arte. Une horretan, gatz, piper eta salda gehiago bota daiteke, beharrezkoa izanez gero. Prest dagoenean, gorde.  Ondo berotutako plantxa batean, erre sekretu-pieza (gutxi gora behera, 5 minutu alde bakoitzetik), barrutik eginda baina mamitsu egon arte.  Zerbitzatzeko, moztu sekretua tiratan eta jarri sekretu-tirak "mole" ohe baten gainean. Jarraian, hautseztatu sesamoa horien gainetik. Ondutako kukulu batzuekin zerbitzatu, platerari ukitu freskoa emateko, eta saltsaontzi batean, jarri "mole" gehiago.