Acelgas con patacas

Separamos as follas dos talos das acelgas, pelamos a parte con fíos dos talos e cortamos en xuliana (en tiras finas) canda as follas das acelgas lavadas. Nunha pota con auga e sal dámoslles unha cocción de 15 minutos. Despois escorrémolas e reservámolas. Pelamos as patacas e as cenorias e cortámolas en dados duns 5 centímetros. Pelamos o allo e fileteámolo. Cocemos as patacas e a cenoria nunha pota, cubertas de auga, cun chisco de sal e un chorriño de aceite. Na tixola, con catro culleres de aceite de oliva, douramos os dentes de allo fileteados. Cando estean dourados, engadímoslles as acelgas escorridas e refogamos todo xunto. Engadimos as patacas e as cenorias cocidas e escorridas e mollamos todo cun pouco do caldo da cocción das acelgas. Pomos a punto de sal e servimos. .