Cardo con coello guisado en salsa de tomate

Picamos o allo, mesturámolo co sal e untamos con isto a superficie dos pernís do coello, que despois sofriximos nunha cazola baixa co aceite de oliva quente. En estando lixeiramente dourada a superficie e sen que chegue a queimarse o allo, agregámoslle a salsa de tomate caseira, tapamos a cazola e deixamos cociñar a lume manso durante 40 minutos. Unha vez cociñado o coello, escorremos o cardo da conserva, mesturámolo co prebe do coello, dámoslle un fervor de dous minutos, poñemos a punto de sal e servímolo no momento, deitándolle por riba unhas pementas variadas.