Azpizunak ziapearekin eta patata hautsiarekin

Patatak zuritu, ataletan moztu eta urez betetako kazola batean egosiko ditugu, gatz pixka batekin. Behin egosita, uraren hiru laurden kendu eta oliba-olioa botako diegu. Gatza eta piperbeltza zuzendu, eta sardexka batekin zapalduko dira, purea egin gabe. Zartaginean azpizunak plantxan egin. 4 minutu alde bakoitzetik. Azpizunak plater batera aterako ditugu. Zartagin berdinean, brandy pixka bat eta esne-gain likidoa botako ditugu. Ziapea alean botako diogu nahierara, eta egosten utziko dugu. Zartaginera azpizunak platerean utzitako zukua botako dugu, eta saltsari gatza botako diogu, behar izanez gero. Gero, platera prestatuko dugu, patata, azpizuna eta saltsarekin.