Barazki-pizza

Irina katilu batean ipini. Ondoren, gehitu legamia, gatza eta nahastu.   Gehitu oliba-olioa eta ur epela, eta nahastu ore uniformea lortu arte.   Laneko mahai irineztatu baten gainean, orea landu 10 minutuz.  Bola bat egin, eta utzi egoten olioarekin koipeztatutako katilu batean. Film gardenarekin estali, toki bero batean pausatzen utzi bolumena bikoiztu arte.   Labea 200 ºC-tan berotzen jarri. Arrautza bat egosi.   Tipula xerra finetan moztu. Gorde.   Erremolatxa, azenarioa eta tomateak xerratan moztu. Txanpiñoiak xaflatan moztu. Zainzurien gararen atal gogorra moztu. Gorde.   Pizza-orea luzatu arrabol batekin laukizuzen bat lortu arte.   Almaiz batean baratxuria eta erromeroa ipini eta mazpildu. Ondoren, gehitu 3 koilarakada olio eta nahastu.   Orea oliba-olioarekin egindako likidoarekin pintatu eta Parmako gaztarekin hautseztatu.   Haren gainean, ipini barazkiak, arrautza egosia eta oliba beltzak.  Errulo gazta xehatuarekin hautseztatu.   20 minutuz edo oreak urre-kolorea hartu arte labean erre.   Labetik atera, geratzen den oliba-olioarekin busti eta errukula apur batekin zerbitzatu.