Bizkotxo, esne-gain eta turroi-kremazko kopa

Bi katilu handitan, zuringoak eta gorringoak bereizi. Gorringoei azukrea, gazta krematsua eta turroi biguna bota eta dena nahastu krema homogeneoa lortu arte. Bestalde, zuringoak elur-punturaino harrotu behar dira (egiaztatu ontziari buelta emanda zuringoak ez direla erortzen). Gorringoen katilura bi koilarakada ardo gozo eta zuringoak elur-puntuan bota. Amaitzeko, egurrezko koilara handi batekin dena ondo nahastu behar da, emeki. Bizkotxoak laranja-zuku eta ardo gozo pixka batekin busti eta azkenburukoa zerbitzatuko den kopa edo edalontzi txikietan oinarri bat jarri. Bizkotxoa turroi-kremaren geruza batekin estaliko dugu, beste bizkotxo-geruza fin bat jarriko diogu gainetik eta krema-geruza batekin amaituko dugu. Edalontzi edo kopa txikiak plastikozko filmarekin estali eta hozkailuan gordeko ditugu bi orduz, zerbitzatu aurretik. Hozkailutik ateratzean, arbendol txigortuak edo turroi papurtua botako dizkiegu gainetik, apaintzeko.