KUIA ETA LARANJA KREMA KURRUSKARIEKIN

Porrua eta tipula zuritu eta zati txikitan moztuko ditugu. Eltze batean frijituko ditugu, oliba-olio birjina eta gatz pixka batekin, ondo sueztitzeko. Porrua eta tipula su ertainean frijitzen ditugun bitartean (noizean behin irabiatu), azenarioa eta patata zurituko ditugu eta kubotxotan zatitu. Kuia garbituko dugu, eta azala eta haziak kendu. Tipula eta porrua sueztitu direnean, patata, azenarioa eta kuia zatituak erantsiko dizkiogu, eta minutu batzuez egosi, noizean behin irabiatuz. Ondoren, salda botako dugu, eta irakiten duenean, sua jaitsiko dugu, dena ongi egos dadin. Behin osagai guztiak ongi egosi direnean, irabiagailuarekin txikituko ditugu, krema homogeneo eta fina lortu arte. Bi laranja zukutu berriren zukua botako diogu, eta nahasketa irabiatu. Gatz-puntua zuzenduko dugu, eta minutu batzuez su ertainean egosten utzi, eltzea sutik kendu aurretik. Orduan, kuia- eta laranja-krema zerbitzatzeko prest izango dugu. Ukitutxo bat emateko, kuia- eta erremolatxa-zati kurruskariak botako dizkiogu.